Сподели WiFi
Сподели WiFi е идеја која што се роди при една дискусија во хаклабот КИКА за тоа дека би било кул да имаме апликација која што ќе служи како еден вид обележувач на пристапни точки за WiFi низ Скопје за да не мора секој пат кога ќе одиме во некој кафич или ресторан да го бараме клучот за WiFi од вработените. Наместо да го правиме тоа да имаме база на веќе претходно внесени клучеви која што ќе се синхронизира со копија на интернет преку мини апликација за Android. Бидејќи се работи за јавни WiFi точки објавувањето на овие информации на интернет не би требало да претставува никаков проблем за никого.
Благодарение на Бојан Илиевски, уште неколку дена по муабетот излезе првата верзија на Сподели WiFi.
Апликацијата функционира на следнив начин:
- Седнувате во ресторан
- Ја стартувате апликацијата и веднаш добивате листа на сите пристапни точки во близина заедно со нивните клучеви
- Кликнувате на името на пристапната точка и апликацијата автоматски ве поврзува на таа WiFi точка
Едноставно и корисно. Се што треба да направите вие доколку сте врзани на некоја точка што сѐ уште не е додадена е да ја додадете и истата ќе им биде достапна на сите што ќе дојдат после вас.
Апликацијата нормално е слободен софтвер и е објавена под GPLv3. Можете да придонесете со додавање на некоја опција доколку сте програмер, со пријавување на баг ако сте корисник или едноставно преку користење на апликацијата и додавање на што е можно повеќе WiFi точки.
Повеќе информации за проектот можете да најдете на github
https://github.com/Drakuwa/SpodeliWifi
Багови можете да пријавувате на
http://bugs.spodeli.org/projects/spodeliwifi
Преземање:
https://github.com/Drakuwa/SpodeliWifi/downloads
QR code:
No related posts.
Related posts brought to you by Yet Another Related Posts Plugin.
Tags: Android, bojan ilievski, share, spodeliwifi, wifi
Comments (8 comments)
А зошто да не се прашаат вработените, доволно алатки постојат кои не прават асоцијални.
Бо / December 18th, 2011, 15:30 / #
ја неам таков проблем така да не знам шо збориш, мислам дека апликацијата е многу практична.
Arangel / December 18th, 2011, 17:18 / #
Мала корекција на опишаниот начин на функционирање. Требаше јас да напишам howto, али јбг… Значи вака:
- Пред да тргнеш негде, или кога и да си закачен на нет преку телефонот, на било кој начин нели, кликаш на menu копчето од апликацијата и ја избираш опцијата "Sync" за да превземеш нови Access Point-и ако има додадено од некој друг.
- Кога ке си во местото (кафиќ, ресторан…) каде што има wifi мрежа, ја стартуваш апликацијата и кликаш на "Scan!" копчето. Ако мрежата ја има, ќе ти биде прикажана (барањето се врши според BSSID, односно MAC адреса) и после може да кликнеш на истата за да се конектираш. Е тука треба да додадам функционалност, ако е додадена неколку пати со различни password-и да може да се бришат неважечките, ама за тоа покасно.
- За додавање на нов AP, може да седнете и од дома да додавате, но мора да ги внесете точно трите полиња (да се пази на BSSID и на password-от). Значи не мора да си закачен на AP-то за да го додадеш, туку ако си закачен, апликацијата сама ке ти ги пополни полињата за име на АП и за MAC адреса, но ти можеш да ги смениш.
Епа тоа е тоа… report bugs!
Drakuwa / December 18th, 2011, 18:40 / #
…уште нешто. Ако кликнете на menu копчето и изберете Show All, ќе ги добиете сите присутни АП-а во базата (со password-и), а не тие што се моментално околу вас.
Drakuwa / December 18th, 2011, 18:52 / #
Ќе ја има набрзо апликацијава за ios или не ?
Jojo / December 20th, 2011, 18:45 / #
не верувам, освен ако не се нафати некој друг да ја направи, кодот е достапен, па се надевам ќе може да послужи како пример
Arangel / December 21st, 2011, 01:06 / #
samo da kazam deka aplikacijata ne raboti kako sto treba za htc wildfire s
nekoj / December 22nd, 2011, 16:32 / #
Е ова е веќе стварно кул идеја.
Dino Bojadjievski / December 24th, 2011, 19:55 / #
Post a comment